బొగ్గుగనిలో ప్రమాదం.. 10 మంది కూలీలు మృతి

మేఘాలయలోని తూర్పు జైంటియా హిల్స్ జిల్లాలో గురువారం ఒక అక్రమ బొగ్గుగనిలో భారీ పేలుడు సంభవించింది. ఈ ఘటనలో 10 మంది కూలీలు మరణించగా, పలువురు గాయపడ్డారు. మృతుల్లో ఎక్కువ మంది అస్సాంకు చెందినవారు ఉన్నట్లు అధికారులు తెలిపారు. థాంగ్స్కు ప్రాంతంలో జరిగిన ఈ ఘటనపై పోలీసులు దర్యాప్తు చేస్తున్నారు. సహాయక చర్యల కోసం రాష్ట్ర విపత్తు ప్రతిస్పందన దళాన్ని అధికారులు కోరారు.