కౌలు రైతులకు రూ.లక్ష వరకు పంట రుణం

ఏపీ ప్రభుత్వం కౌలు రైతులకు శుభవార్త అందించింది. పంటలు సాగు చేసుకునేందుకు కౌలు రైతులకు కూడా రుణాలు ఇవ్వాలని సహకార బ్యాంకులకు ఆదేశాలు జారీ చేసింది. ఎకరాకు తక్కువ కాకుండా కౌలు చేసిన వారికే ఈ రుణ సౌకర్యం వర్తిస్తుందని, గరిష్టంగా రూ.లక్ష వరకు రుణాలు ఇవ్వనున్నట్టు వెల్లడించింది. ఈ రుణాలను వడ్డీతో సహా ఏడాదిలోపు చెల్లించాల్సి ఉంటుంది. డీకేటీ, అసైన్డ్ భూముల్లో వ్యవసాయం చేసే వారికి ఈ రుణాలు వర్తించవని ప్రభుత్వం స్పష్టం చేసింది.