ప్రభుత్వ ఉద్యోగ పరీక్షల్లో క్రమశిక్షణ తప్పనిసరి: సుప్రీంకోర్టు

ప్రభుత్వ ఉద్యోగాల నియామకాల్లో అభ్యర్థులు కచ్చితమైన క్రమశిక్షణ పాటించాలని, అనారోగ్యం వంటి కారణాలతో శారీరక పరీక్షలకు హాజరుకాకపోతే మరో అవకాశం ఇవ్వడం కుదరదని సుప్రీంకోర్టు స్పష్టం చేసింది. వెనుకబడిన వర్గానికి చెందినంత మాత్రాన నిబంధనలను ఉల్లంఘించడం ప్రత్యేక సానుభూతిని ఆశించడం సరికాదని సూచించింది. ఢిల్లీ పోలీస్ కానిస్టేబుల్ నియామక ప్రక్రియలో ఒక అభ్యర్థికి సంబంధించి కీలక తీర్పునిచ్చింది. లక్షలాది మంది పోటీపడుతున్నప్పుడు అందరికీ సమానమైన పోటీ వాతావరణం ఉండాలని, ఒక వ్యక్తి కోసం షెడ్యూల్ మార్చడం సాధ్యం కాదని న్యాయస్థానం పేర్కొంది.