భారత్‌లో గుడ్ల రాజధాని ఏదో తెలుసా?

తమిళనాడులోని నామక్కల్, ఒకప్పుడు సాధారణ వ్యవసాయ ప్రాంతం నుండి నేడు 'గుడ్ల రాజధాని'గా అవతరించింది. ఇక్కడి పౌల్ట్రీ ఫారమ్‌లు రోజుకు 6-7 కోట్ల గుడ్లను ఉత్పత్తి చేస్తూ, స్థానిక ఆర్థిక వ్యవస్థకు వెన్నెముకగా నిలుస్తున్నాయి. ఈ భారీ ఉత్పత్తి, ప్యాకేజింగ్, ఫీడ్ మిల్లులు, రవాణా వంటి అనుబంధ రంగాలతో కలిపి వార్షికంగా రూ.10,000 కోట్లకు పైగా టర్నోవర్‌ను నమోదు చేస్తోంది. ప్రత్యేక కోల్డ్ చైన్ రవాణా వ్యవస్థ ద్వారా దేశవ్యాప్తంగా, గల్ఫ్ దేశాలకు, తాజాగా అమెరికా మార్కెట్‌కు కూడా గుడ్లను సరఫరా చేస్తోంది.