ఓడలరేవు తీరంలో తిరగబడిన లారీ

అల్లవరం మండలం ఓడలరేవు తీరంలో కోత నివారణకు ఓఎన్జీసీ ఆధ్వర్యంలో నిర్మిస్తున్న రక్షణ కవచం పనుల్లో ఆదివారం ప్రమాదం చోటుచేసుకుంది. పెద్ద రాళ్లను అన్లోడ్ చేస్తున్న సమయంలో ఒక లారీ అదుపుతప్పి ఒక్కసారిగా తిరగబడింది. తీర ప్రాంతంలో పనులు వేగంగా జరుగుతున్న క్రమంలో ఈ ఘటన జరిగింది. ఈ ప్రమాదం వల్ల పనులకు తాత్కాలికంగా అంతరాయం ఏర్పడింది. అధికారులు సంఘటనా స్థలానికి చేరుకుని పరిశీలించారు.