అనపర్తిలో డీఎస్పీ, ఆర్డీవో కార్యాలయాల ఏర్పాటుకు వినతి

అనపర్తి నియోజకవర్గ ఎమ్మెల్యే నల్లమిల్లి రామకృష్ణారెడ్డి, ముఖ్యమంత్రి చంద్రబాబు నాయుడుకు మంగళవారం ఒక వినతిపత్రం సమర్పించారు. అనపర్తిలో డీఎస్పీ మరియు ఆర్డీవో కార్యాలయాలను ఏర్పాటు చేయాలని ఆయన కోరారు. ప్రస్తుతం ఈ కార్యాలయాలు రాజమండ్రిలో ఉండటం వల్ల అనపర్తి, బిక్కవోలు, రంగంపేటతో పాటు మండపేట, కపిలేశ్వరపురం, రాయవరం వంటి విలీన మండలాల ప్రజలు ఇబ్బందులు పడుతున్నారని ఎమ్మెల్యే పేర్కొన్నారు. అనపర్తిలో ఈ కార్యాలయాలు ఏర్పాటు చేస్తే ప్రజలకు పరిపాలన సౌకర్యవంతంగా మారుతుందని ఆయన విన్నవించారు.