పోలీసులకు సీసీ కెమెరాలు, హెల్మెట్లు అందజేత

కాకినాడ జిల్లా ఎస్పీ బిందు మాధవ్ తెలిపిన వివరాల ప్రకారం, పోలీసులకు అత్యంత అవసరమైన సీసీ కెమెరాలు, హెల్మెట్లను కోరమాండల్ సంస్థ సీఎస్ఆర్ నిధుల కింద అందించింది. మంగళవారం తన కార్యాలయంలో విలేకరులతో మాట్లాడుతూ, ప్రజల సంక్షేమం కోసం పనిచేస్తున్న పోలీసులకు అవసరమైన పరికరాలు సమకూర్చిన కోరమాండల్ సంస్థ సమాజానికి ఆదర్శమని ఆయన కొనియాడారు. ఈ సందర్భంగా ఆ సంస్థ ప్రతినిధులను ఎస్పీ బిందు మాధవ్ అభినందించారు.