ముమ్మిడివరంలో పోలీసుల డ్రోన్ నిఘా

ముమ్మిడివరంలో శాంతిభద్రతల పరిరక్షణ, ట్రాఫిక్ సమస్యల శాశ్వత పరిష్కారానికి పోలీసులు అధునాతన సాంకేతికతను ఉపయోగించారు. బుధవారం పట్టణంలోని ప్రధాన రహదారులు, కూడళ్లపై డ్రోన్ కెమెరాల సహాయంతో నిఘా ఏర్పాటు చేసి క్షేత్రస్థాయి పరిస్థితులను పరిశీలించారు. ఎక్కువగా ట్రాఫిక్ జామ్ అయ్యే ప్రాంతాలు, ప్రమాదాలు జరిగే బ్లాక్ స్పాట్లను గుర్తించేందుకే ఈ డ్రోన్ నిఘా ప్రక్రియను ప్రారంభించినట్లు పోలీసులు తెలిపారు. ఈ నిఘా ద్వారా సేకరించిన డేటా ఆధారంగా తదుపరి భద్రతా చర్యలు చేపడతామని బుధవారం పేర్కొన్నారు.