పెద్దాపురం - Peddapuram

అమెరికా అధ్యక్షుడిగా రెండోసారి బాధ్యతలు చేపట్టిన డొనాల్డ్ ట్రంప్, అక్రమ వలసదారులపై కఠిన వైఖరితో పాటు వలసేతర వీసాలపై కూడా ఉక్కుపాదం మోపుతున్నారు. జనవరి నుంచి 80 వేలకుపైగా వలసేతర వీసాలను ట్రంప్ యంత్రాంగం రద్దు చేసినట్లు సమాచారం. హింస, చోరీ, మద్యం సేవించి వాహనం నడపడం వంటి ఉల్లంఘనలకు పాల్పడిన వారే అధికంగా ఈ వీసాల రద్దుకు గురైనట్లు తెలిసింది. ఈ వార్తను అమెరికా వార్తా సంస్థ ప్రచురించగా, వైట్‌హౌస్‌ దీన్ని ధ్రువీకరించింది.