ఆఫీసుకు రాకుండానే ఫిర్యాదు.. ఆన్‌లైన్‌లో అర్జీకి అవకాశం

పిఠాపురం నియోజకవర్గంలోని గొల్లప్రోలు, పిఠాపురం మున్సిపాలిటీలలో సోమవారం ప్రజా సమస్యల పరిష్కార వేదిక కార్యక్రమం నిర్వహించనున్నట్లు పాడా డైరెక్టర్ శివరామ ప్రసాద్ తెలిపారు. ఉదయం 10 గంటల నుంచి మధ్యాహ్నం 1 గంట వరకు ప్రజల నుంచి వినతులు స్వీకరిస్తారు. కార్యాలయాలకు నేరుగా హాజరు కాలేని వారు ఆన్‌లైన్ ద్వారా కూడా అర్జీలు సమర్పించుకోవచ్చని తెలిపారు. ప్రజలు ఈ అవకాశాన్ని వినియోగించుకుని తమ సమస్యలను అధికారుల దృష్టికి తీసుకురావాలని సూచించారు.