సీతానగరం: రోడ్డు ప్రమాదానికి గురైన కారు

సీతానగరం నుంచి రాజమండ్రి వెళ్లే ప్రధాన రహదారిపై మంగళవారం ఒక కారు ప్రమాదానికి గురైంది. రాజంపేట వద్దకు రాగానే ఇసుక రేవు నుంచి అకస్మాత్తుగా ఎదురుగా వచ్చిన లారీని తప్పించబోయి కారు అదుపుతప్పి రోడ్డు డివైడర్‌ను ఎక్కింది. ఈ ప్రమాదంలో కారులోని వారికి ఎటువంటి గాయాలు కాకపోవడంతో అందరూ ఊపిరి పీల్చుకున్నారు. ఈ ఘటనతో రహదారిపై కొద్దిసేపు వాహనాల రద్దీ ఏర్పడింది.