పారదర్శక ఓటర్ల జాబితా రూపకల్పనే లక్ష్యం: కోనసీమ కలెక్టర్

కోనసీమ కలెక్టర్ మహేష్ కుమార్ ఆదేశాల మేరకు, ఓటర్ల జాబితా ఆధునీకరణ, పారదర్శకత కోసం అమలాపురంలో ప్రత్యేక సమగ్ర సవరణ కార్యక్రమం చేపట్టినట్లు తెలిపారు. గురువారం కలెక్టరేట్‌లో జరిగిన అధికారుల సమావేశంలో, బీఎల్ఓలు, సాంకేతిక సిబ్బంది సమన్వయంతో ఓటర్ల మ్యాపింగ్‌ను 100 శాతం పూర్తి చేయాలని సూచించారు. జాయింట్ కలెక్టర్ వైఖోం నైదియాదేవి మాట్లాడుతూ, బీఎల్ఓలు ప్రతి ఇంటిని సందర్శించి అర్హులైన కొత్త ఓటర్ల నమోదు, తప్పుల సవరణ, మరణించిన, నకిలీ ఓట్ల తొలగింపు ప్రక్రియను పారదర్శకంగా నిర్వహిస్తారని, సందేహాల నివృత్తికి 1950 టోల్ ఫ్రీ నంబర్‌ను సంప్రదించవచ్చని పేర్కొన్నారు.