తుని ఏరియా హాస్పిటల్ వద్ద మృత్యు గొయ్యి

తుని ఏరియా హాస్పిటల్ సమీపంలోని ప్రధాన రహదారిపై కేబుల్ వైర్ల కోసం తీసిన గొయ్యిని సరిగా పూడ్చకపోవడంతో వాహనదారులకు ప్రమాదకరంగా మారింది. ముఖ్యంగా రాత్రి వేళల్లో ద్విచక్ర వాహనదారులు ఈ గొయ్యిలో పడి ప్రమాదాలకు గురవుతున్నారు. నిత్యం రద్దీగా ఉండే ఈ రహదారిపై ఎప్పుడు ఏం జరుగుతుందోనని స్థానికులు ఆందోళన చెందుతున్నారు. అధికారులు వెంటనే స్పందించి గొయ్యిని పూర్తిగా పూడ్చివేయాలని ప్రజలు కోరుతున్నారు.