వైభవంగా జరిగిన శ్రీ లక్ష్మీ నరసింహస్వామి కళ్యాణం

ఏలూరు జిల్లా, ద్వారకాతిరుమల మండలం, జగన్నాథపురంలో స్వయంభువుగా కొలువై ఉన్న శ్రీ లక్ష్మీ నరసింహస్వామి కళ్యాణం శనివారం అంగరంగ వైభవంగా జరిగింది. మూడోరోజు జరిగిన ఈ కళ్యాణోత్సవంలో అధిక సంఖ్యలో భక్తులు పాల్గొని స్వామివారి దర్శనం చేసుకున్నారు. భక్తులు స్వామివారి తీర్థప్రసాదాలు, అక్షింతల కోసం పోటీపడ్డారు. గోపాలపురం, ద్వారకా తిరుమల ప్రాంతాల నుండి భక్తులు తరలివచ్చారు.