గంగానమ్మ జాతర బందోబస్తు: ఎస్పీ పర్యటన, పటిష్ట చర్యలు

ఏలూరు నగరంలో జరుగుతున్న గంగానమ్మ జాతర బందోబస్తు ఏర్పాట్లను జిల్లా ఎస్పీ కె. ప్రతాప్ శివ కిషోర్ ఆదివారం పర్యవేక్షించారు. భక్తుల రద్దీని దృష్టిలో ఉంచుకుని అవాంఛనీయ సంఘటనలు జరగకుండా పటిష్ట చర్యలు చేపట్టినట్లు తెలిపారు. ఆలయ పరిసరాలు, కీలక ప్రాంతాలను సందర్శించి, క్యూ లైన్లను పరిశీలించి, భక్తులకు అసౌకర్యం కలగకుండా చూడాలని ఆదేశించారు. ట్రాఫిక్ ఇబ్బందులు తలెత్తకుండా పార్కింగ్ ప్రదేశాలను తనిఖీ చేసి, జంక్షన్ల వద్ద అదనపు సిబ్బందిని మోహరించాలని సూచించారు. 'కొర్ల బండి' ఊరేగింపు మార్గాలను పరిశీలించి, భద్రతా చర్యలపై అధికారులకు సూచనలు చేశారు. కమాండ్ కంట్రోల్ రూమ్ నుంచి సీసీ కెమెరాల ద్వారా జన సంచారాన్ని నిశితంగా పరిశీలించారు.