వాసవి క్లబ్ సేవా కార్యక్రమాలకు విశేష స్పందన

వాసవి క్లబ్స్ ఇంటర్నేషనల్ ఆదేశాల మేరకు, వాసవి క్లబ్ తాడేపల్లిగూడెం ఆధ్వర్యంలో శనివారం 'డాన్ టు డస్క్' కార్యక్రమంలో భాగంగా పలు సేవా కార్యక్రమాలు నిర్వహించారు. ప్రభుత్వ కోడే వెంకట్రావు హైస్కూల్‌కు సిమెంట్ బెంచ్‌లు, వృద్ధాశ్రమానికి ఫస్ట్ ఎయిడ్ కిట్, గోశాలకు పశుగ్రాసం అందజేశారు. మెరిట్ విద్యార్థులకు శాలువాలు, నిఘంటువులు, రైటింగ్ ప్యాడ్లు పంపిణీ చేశారు. రక్తదాతల వివరాలు ప్రభుత్వ ఆసుపత్రులు, పీహెచ్‌సీలలో అందుబాటులో ఉంచి, అత్యవసర నంబర్ల పోస్టర్లు ఏర్పాటు చేశారు. విశిష్ట వాలంటీర్లను ఎంపిక చేసి, కొత్త సభ్యత్వాలు నమోదు చేశారు.