అధిక ఉష్ణోగ్రతలతో ఐరోపా ఉక్కిరిబిక్కిరి

అధిక ఉష్ణోగ్రతలు, తీవ్రమైన వడగాల్పుల కారణంగా ఐరోపా దేశాలు ఉక్కిరిబిక్కిరి అవుతున్నాయి. ఫ్రాన్స్, స్పెయిన్, బెల్జియం, నెదర్లాండ్స్ దేశాల్లో ఇప్పటివరకు 4 వేల మందికి పైగా ప్రాణాలు కోల్పోయినట్లు అధికారులు తెలిపారు. ఫ్రాన్స్‌లోనే సుమారు 2,025 మంది మృతిచెందినట్లు పేర్కొన్నారు. ఫ్రాన్స్‌లో 80 ఏళ్లలో ఎన్నడూ లేనంతగా ఎండల తీవ్రత పెరిగింది. అనేక ప్రాంతాల్లో గరిష్ఠ ఉష్ణోగ్రతలు 40 డిగ్రీల సెల్సియస్ దాటాయి.