డేటా సెంటర్ల విస్తరణ.. పర్యావరణానికి పెను ముప్పు

హైదరాబాద్, విశాఖపట్నం వంటి నగరాల్లో డేటా సెంటర్ల పెట్టుబడులు పెరుగుతున్నప్పటికీ, వాటి పర్యావరణ ప్రభావాలపై ఆందోళనలు వ్యక్తమవుతున్నాయి. భారీ డేటా సెంటర్లకు లక్షల లీటర్ల నీరు, అధిక విద్యుత్ అవసరమవుతుండగా, కార్బన్ ఉద్గారాలు కూడా పెరుగుతున్నాయి. సర్వర్ల జీవితకాలం తక్కువగా ఉండటంతో ఇ-వ్యర్థాల సమస్య మరింత తీవ్రం అవుతోంది. సీసం, కాడ్మియం వంటి హానికర పదార్థాలు పర్యావరణానికి ముప్పుగా మారే ప్రమాదం ఉందని నిపుణులు హెచ్చరిస్తున్నారు. నీరు, విద్యుత్ వినియోగం, ఇ-వ్యర్థాల నిర్వహణపై పారదర్శక సమాచారం అందుబాటులో ఉంచి, స్వతంత్ర పర్యవేక్షణ వ్యవస్థలు ఏర్పాటు చేయాలని వారు సూచిస్తున్నారు.