పూజల పేరుతో మోసం.. ఎన్నారై పూజారి అరెస్ట్ (వీడియో)

పూజలు, పరిహారాలు చేస్తానంటూ నమ్మించి లక్షల రూపాయలు మోసం చేసిన ఎన్నారై పూజారి చామర్తి రామ లచ్చారావును శంషాబాద్ రాజీవ్ గాంధీ అంతర్జాతీయ విమానాశ్రయంలో ఇమిగ్రేషన్ అధికారులు అదుపులోకి తీసుకున్నారు. ఓ సాఫ్ట్‌వేర్ ఉద్యోగిని రూ.20 లక్షలు మోసం చేయడంతో పాటు చేతబడి చేస్తానని బెదిరించినట్లు ఆరోపణలున్నాయి. అమెరికాలో కూడా ఇలాంటి మోసాలకు పాల్పడినట్లు సమాచారం రావడంతో పోలీసులు లోతుగా విచారిస్తున్నారు. మరికొందరు బాధితులు ఉన్నట్లు సమాచారం అందడంతో అన్ని కోణాల్లో దర్యాప్తు చేపట్టారు.