ఏపీలో కళాకారులకు శుభవార్త.. త్వరలోనే ప్రత్యేక పింఛన్లు!

ఏపీలోని  నాటక కళాకారులకు శుభవార్త. రాష్ట్రంలో కళాకారులకు ప్రత్యేక పింఛన్లు ఇచ్చే విధానాన్ని పునరుద్ధరించాలని ప్రభుత్వం ఆలోచిస్తున్నట్లు మంత్రి కందుల దుర్గేష్ తెలిపారు. విజయనగరం జిల్లా రాజాంలో జరిగిన ఓ కార్యక్రమంలో పాల్గొన్న మంత్రి దుర్గేష్, కళాకారుల అభ్యున్నతికి తమ ప్రభుత్వం కట్టుబడి ఉందని స్పష్టం చేశారు. త్వరలోనే ప్రత్యేక పింఛన్ ఇచ్చేందుకు తగిన చర్యలు తీసుకుంటామని ఆయన వెల్లడించారు.