ఇథనాల్ వినియోగానికి కేంద్రం గ్రీన్ సిగ్నల్

ప్రత్యామ్నాయ ఇంధనాల వినియోగాన్ని ప్రోత్సహించే దిశగా భారత్ కీలక ముందడుగు వేసింది. కేంద్ర మంత్రి నితిన్ గడ్కరీ E100 (దాదాపు 100% ఇథనాల్) ఇంధన నిబంధనలకు ఆమోదం తెలిపారు. దీంతో దేశంలో ఇథనాల్ ఆధారిత వాహనాల వినియోగానికి మార్గం సుగమమైంది. ఇథనాల్ వ్యవసాయ ఉత్పత్తుల నుంచి తయారవుతుంది, ఇది విదేశీ చమురు దిగుమతులపై ఆధారపడటాన్ని తగ్గిస్తుంది, రైతులకు ఆదాయాన్ని పెంచుతుంది, గ్రామీణ ఉపాధిని మెరుగుపరుస్తుంది, దేశ ఇంధన భద్రతను పెంచుతుంది.