సంతమాగులూరు: రోడ్డు ప్రమాదంలో వ్యక్తి మృతి

సంతమాగులూరు మండలం పాత మాగులూరు గ్రామం వద్ద బుధవారం రోడ్డు ప్రమాదం చోటుచేసుకుంది. ముత్తనపల్లి గ్రామానికి చెందిన బత్తుల బ్రహ్మానందం (53) వినుకొండ వైపు నుంచి టీవీఎస్ ఎక్సెల్‌పై వెళుతున్న క్రమంలో కుక్కను తప్పించబోయి వాహనం అదుపుతప్పి కిందపడిపోయాడు. ఈ ఘటనలో తలకు తీవ్ర గాయాలై అక్కడికక్కడే మృతి చెందాడు. పోలీసులు ఈ ఘటనపై కేసు నమోదు చేశారు.