50 మంది బాలికలకు రామా డ్రెస్సెస్ దుస్తుల పంపిణీ

గుంటూరులోని నల్లచెరువు మున్సిపల్ కార్పొరేషన్ ఆదర్శ ప్రాథమిక పాఠశాల–85లో శుక్రవారం  STU గుంటూరు నగరశాఖ ఆధ్వర్యంలో రామా డ్రెస్సెస్ సహకారంతో 50 మంది బాలికలకు రెడీమేడ్ దుస్తులను పంపిణీ చేశారు. STU గుంటూరు నగరశాఖ అధ్యక్షులు ఉగ్గం మహంకాలరావు చేతుల మీదుగా ఈ పంపిణీ జరిగింది. బాలికలకు అవసరమైన దుస్తులను అందజేసి, సామాజిక బాధ్యతను చాటుకున్న రామా డ్రెస్సెస్ యాజమాన్యానికి, కొరివి విజయ్ బాబు, ఉగ్గం మహంకాళ రావు, పాఠశాల ప్రధానోపాధ్యాయులు, ఉపాధ్యాయులకు కృతజ్ఞతలు తెలిపారు.