విద్యార్థులను ప్రోత్సహించేందుకు దాతల సహకారం అవసరం ఎంపీపీ

మండల కేంద్రం అమృతలూరులోని పీఎంశ్రీ జెడ్పీ హైస్కూలులో విద్యార్థులకు 120 భోజనం ప్లేట్లను దాత గ్రంథి సురేష్ - రాజ్యలక్ష్మి దంపతుల కుమార్తె 9వ తరగతి విద్యార్థిని గ్రంధి జ్యోత్స్నశ్రీ తన పుట్టినరోజు సందర్భంగా అందజేశారు. ఈ సందర్భంగా ఎంపీపీ మైనేని రత్న ప్రసాద్ మాట్లాడుతూ, దాతల సహకారాన్ని విద్యార్థులు సద్వినియోగం చేసుకొని ఉన్నత స్థాయికి ఎదగాలని, తద్వారా గ్రామానికి, తల్లిదండ్రులకు, పాఠశాలకు, ఉపాధ్యాయులకు పేరు తెస్తారని పేర్కొన్నారు. విద్యార్థులను ప్రోత్సహించేందుకు దాతల సహకారం అభినందనీయమని ఆయన అన్నారు.