నిద్రమత్తులో డ్రైవింగ్ వద్దు: చీరాల రూరల్ పోలీసుల 'ఫేస్ వాష్ అండ్ గో' డ్రైవ్

బాపట్ల జిల్లా చీరాల రూరల్ పోలీసులు, జాతీయ రహదారులపై రోడ్డు ప్రమాదాలను అరికట్టేందుకు 'ఫేస్ వాష్ అండ్ గో' అనే ప్రత్యేక డ్రైవ్‌ను నిర్వహించారు. ఎస్పీ శబి.ఉమామహేశ్వర్ ఆదేశాల మేరకు, తెల్లవారుజామున 1 నుండి 11 గంటల మధ్య ఈ కార్యక్రమం చేపట్టారు. వాహనాలను ఆపి, డ్రైవర్లను ముఖం కడుక్కోవాలని, టీ తాగి మెలకువగా ఉండాలని, కుటుంబ సభ్యులను గుర్తుంచుకొని జాగ్రత్తగా ప్రయాణించాలని సూచించారు. నిద్రమత్తులో వాహనం నడపడం ప్రమాదాలకు దారితీస్తుందని హెచ్చరించారు. సీఐ శేషగిరిరావు ఈ కార్యక్రమంలో పాల్గొన్నారు.