కరెంట్‌తో చేపల వేట.. యువకుడి విషాద మృతి

పల్నాడు జిల్లా రెంటచింతల మండలం రెంటాల గ్రామంలో చేపల వేటకు వెళ్లిన కోటా ప్రసాద్ (37) అనే యువకుడు అక్రమ విద్యుత్ కనెక్షన్ ద్వారా చేపలు పడుతుండగా విద్యుత్ షాక్‌కు గురై మృతి చెందాడు. ఈ ఘటన సోమవారం నక్కలవాగులో చోటుచేసుకుంది. ఏపీ ట్రాన్స్కో ఏఈ షేక్ మస్తాన్వలి తెలిపిన వివరాల ప్రకారం, కరెంట్ వైర్‌లోని జాయింట్ తగలడంతో ప్రసాద్ తీవ్ర షాక్‌కు గురై అక్కడికక్కడే మృతి చెందాడు. మృతుడికి భార్య కృపారాణి, ఇద్దరు పిల్లలు ఉన్నారు. ఈ విషాద ఘటన గ్రామంలో తీవ్ర దిగ్భ్రాంతిని కలిగించింది.