జీతం, పని పరిస్థితులు, సామాజిక భద్రత లేకపోవడాన్ని నిరసిస్తూ గిగ్ వర్కర్లు సమ్మె నిర్వహించిన నేపథ్యంలో, జొమాటో సీఈఓ దీపిందర్ గోయల్ 10 నిమిషాల డెలివరీ సర్వీస్‌పై స్పందించారు. ఇళ్ల చుట్టుపక్కల దుకాణాలు పెరగడం వల్లే ఈ సేవను ప్రారంభించామని, డెలివరీ ఏజెంట్లపై ఒత్తిడి తేవడం దీని ఉద్దేశ్యం కాదన్నారు. డెలివరీ టైమర్ ఏజెంట్లకు కనిపించదని, రైడర్లు గంటకు సగటున 15 కిలోమీటర్ల వేగంతో వెళ్లగలరని వివరించారు. కార్మికులకు వైద్య, జీవిత బీమా ఉందని, ఆలస్యానికి జరిమానాలు ఉండవని గోయల్ పేర్కొన్నారు.