సంతగుడిపాడులో చైన్ స్నాచింగ్.. వృద్ధురాలి బంగారు గొలుసు అపహరణ

గురువారం రొంపిచర్ల మండలం సంతగుడిపాడులో చైన్ స్నాచింగ్ ఘటన జరిగింది. ఇంటి బయట కూర్చున్న 80 ఏళ్ల రావులమ్మ మెడలోని మూడు సవర్ల బంగారు గొలుసును బైక్‌పై వచ్చిన ఇద్దరు గుర్తుతెలియని వ్యక్తులు లాక్కొని పారిపోయారు. ఈ ఘటనతో గ్రామంలో కలకలం రేగింది. బాధితురాలి కుటుంబ సభ్యుల ఫిర్యాదుతో ఎస్ఐ లోకేశ్వరావు కేసు నమోదు చేసి, నిందితుల కోసం గాలింపు చేపట్టారు.