అగ్నిప్రమాదంలో 15 ఎకరాల సుబాబుల్ తోటలు దగ్ధం

మార్టూరు మండలంలోని లక్కవరం, ఇసుకదర్శి గ్రామాల్లో ఆదివారం మధ్యాహ్నం జరిగిన అగ్నిప్రమాదంలో సుమారు 15 ఎకరాల సుబాబుల్ తోటలు దగ్ధమయ్యాయి. అద్దంకి, చిలకలూరిపేట అగ్నిమాపక సిబ్బంది మంటలను అదుపులోకి తెచ్చారు. ఈ ప్రమాదంలో లక్కవరంలో సుమారు రూ. 5 లక్షలు, ఇసుకదర్శిలో రూ. 10 లక్షల మేర నష్టం సంభవించినట్లు రైతులు తెలిపారు. ప్రమాదానికి గల కారణాలపై అధికారులు ఆరా తీస్తున్నారు.