హసానాబాద్‌లో పోలీస్ లు భారీ తనిఖీలు..

పెదకూరపాడు నియోజకవర్గం క్రోసూరు మండలం హసానాబాద్ గ్రామంలో ఆదివారం సత్తెనపల్లి డీఎస్పీ హనుమంతరావు ఆధ్వర్యంలో భారీ కార్డన్ అండ్ సెర్చ్ ఆపరేషన్ జరిగింది. సుమారు 110 మంది పోలీసు సిబ్బంది గ్రామాన్ని చుట్టుముట్టి గాలించారు. ఈ సోదాల్లో సరైన పత్రాలు లేని 44 ద్విచక్ర వాహనాలను, ఇళ్లలో నిల్వ ఉంచిన 6 కత్తులు, 4 గొడ్డళ్లు, గడ్డపారలు వంటి ప్రమాదకరమైన ఆయుధాలను పోలీసులు స్వాధీనం చేసుకున్నారు.