అగ్నిప్రమాదం నాటకం.. రూ. 40 కోట్ల బ్యాంక్ మోసం బట్టబయలు

సత్తెనపల్లిలో లేని ఆస్తులు చూపించి హెచ్‌డీఎఫ్‌సీ బ్యాంకు నుంచి రూ.33.63 కోట్లు రుణం తీసుకుని, అగ్నిప్రమాదం నాటకంతో బ్యాంకును మోసం చేసిన ఘటన వెలుగులోకి వచ్చింది. గుంటూరుకు చెందిన కల్లం నాగిరెడ్డి, శ్రీనివాసరెడ్డి తమ 'కాటన్ బ్రదర్స్ ప్రైవేట్ లిమిటెడ్' పేరుతో 2021లో ఈ రుణం పొందారు. రుణాన్ని ఇతర ఖాతాలకు మళ్లించి, 2024లో అగ్నిప్రమాదం జరిగినట్లు నాటకం ఆడి పత్రాలను ధ్వంసం చేసినట్లు ఆరోపణలున్నాయి. ఆడిట్‌లో అక్రమాలు బయటపడటంతో సుమారు రూ.40 కోట్ల నష్టం కలిగించినట్లు ఫిర్యాదు నమోదు కాగా, పోలీసులు కేసు నమోదు చేసి దర్యాప్తు చేస్తున్నారు.