చికిత్స పొందుతూ ఒకరు మృతి

మేడికొండూరు మండలం పేరిచర్లకు చెందిన పోలిచర్ల లోకేష్ (26) ద్విచక్రవాహనంపై తన భార్య, ఇద్దరు కుమార్తెలను తీసుకెళ్తుండగా సోమవారం రాత్రి ఆర్టీసీ బస్సు ఢీకొట్టింది. ఈ ప్రమాదంలో లోకేష్ తలకు తీవ్ర గాయాలవడంతో జీజీహెచ్‌లో చికిత్స పొందుతూ మంగళవారం మృతి చెందారు. ఆయన భార్య లక్ష్మీదుర్గ, కుమార్తెలు భవ్య, విజయలు గాయపడ్డారు. క్షతగాత్రులను 108 అంబులెన్స్‌లో జీజీహెచ్‌కు తరలించారు. లోకేష్ మృతిపై పోలీసులు కేసు నమోదు చేశారు.