అమృతలూరులో రేపు ప్రత్యేక పీజీఆర్‌ఎస్

వేమూరు ఎమ్మెల్యే నక్కా ఆనందబాబు బుధవారం తెలిపిన వివరాల ప్రకారం, అమృతలూరులో శుక్రవారం ప్రత్యేక పీజీఆర్‌ఎస్ కార్యక్రమం నిర్వహించబడుతుంది. ఈ కార్యక్రమంలో కలెక్టర్ డాక్టర్ వినోద్ కుమార్ పాల్గొని ప్రజల నుంచి అర్జీలను స్వీకరించనున్నారు. అమృతలూరు ఆర్యవైశ్య కళ్యాణ మండపంలో ఉదయం 10 గంటలకు ప్రారంభమయ్యే ఈ కార్యక్రమాన్ని ప్రజలు సద్వినియోగం చేసుకోవాలని ఎమ్మెల్యే సూచించారు.