భారీ వర్షం.. వరదలో కొట్టుకుపోయి ముగ్గురు మృతి

ఏపీలో ఘోర విషాదం చోటుచేసుకుంది. అన్నమయ్య జిల్లాలోని రాయచోటీలో వర్షం బీభత్సం సృష్టించింది. ఎన్‌ఎస్ కాలనీలో నీటిలో పడి ముగ్గురు మృతి చెందారు. అలాగే మున్సిపల్ పార్క్ వద్ద స్కూల్ ఆటో వర్షపు నీటిలో మునిగిపోయింది. ఇందులో 7 మంది విద్యార్థులు కొట్టుకుపోగా.. స్థానికులు కాపాడారు. ఓ బాలిక మాత్రం కాలువలో గల్లంతైంది. గల్లంతైన బాలిక కోసం గాలింపు చర్యలు కొనసాగుతున్నాయి.