బీజామృతాన్ని ఎలా తయారు చేసుకోవాలి?

ద్రవ సేంద్రియ ఎరువుల్లో బీజామృతం ముఖ్యమైనది. బీజామృతం తయారీకి కావలసినవి: నీరు 20 లీటర్లు, పశువుల పేడ 5 కిలోలు, పశువుల మూత్రం 5 లీటర్లు, సున్నం 50 గ్రాములు. పేడను పల్చటి గుడ్డలో కట్టి 20 లీటర్ల నీటిలో 12 గంటలు వేలాడదీయాలి. 50 గ్రాముల సున్నాన్ని లీటరు నీటిలో రాత్రంతా నానబెట్టాలి. మరుసటి రోజు పేడను నీటిలోకి పిండాలి. అందులో పశువుల మూత్రం, సున్నం కలిపి బాగా కలపాలి. 3–4 రోజుల్లో విత్తన శుద్ధికి ఉపయోగించాలి.