బ్యాంక్ ఖాతా తప్పనిసరి: రూ.10 లక్షల లావాదేవీలపై ఐటీ శాఖ నిఘా

ప్రభుత్వ పథకాలు, ఆర్థిక కార్యకలాపాలకు బ్యాంక్ ఖాతా తప్పనిసరి. ఒక ఆర్థిక సంవత్సరంలో సేవింగ్స్ ఖాతాలో రూ.10 లక్షలకు మించి నగదు జమ చేసినా లేదా విత్ డ్రా చేసినా బ్యాంకులు ఆదాయపు పన్ను శాఖకు సమాచారం అందిస్తాయి. ఈ లావాదేవీలను పాన్ కార్డుతో అనుసంధానించి, ఆదాయపు పన్ను శాఖ మీ ఇతర ఆర్థిక పత్రాలతో పోల్చి చూస్తుంది. పెద్ద మొత్తంలో నగదు లావాదేవీలు జరిపేటప్పుడు ఆదాయ వనరులకు సంబంధించిన సరైన ఆధారాలు, డాక్యుమెంట్స్ భద్రపర్చుకోవాలని సూచించారు.