చర్మంపై ఈ మార్పులు కనిపిస్తే గుండె జబ్బులు ఉండొచ్చు!

ఛాతినొప్పి, శ్వాస తీసుకోవడంలో ఇబ్బంది వంటి లక్షణాలతో పాటు, చర్మంపై కనిపించే కొన్ని మార్పులు కూడా గుండె ఆరోగ్యానికి సంబంధించిన సమస్యలను సూచిస్తాయి. కనురెప్పలు, మోచేతులు, మోకాళ్లపై పసుపు రంగు కొవ్వు గడ్డలు (జాంతోమాస్), వేళ్లు, పెదవులు నీలం రంగులోకి మారడం (సయానోసిస్), కాళ్లలో వాపు (పెరిఫెరల్ ఎడిమా), మెడ, చంకల్లో నలుపు రంగు చర్మం (అకాంథోసిస్ నైగ్రికన్స్), చెవి లోబుపై కోణపు మడత (ఫ్రాంక్ సైన్) వంటివి గుండె జబ్బులకు హెచ్చరికలు కావచ్చు. ఈ లక్షణాలతో పాటు అధిక రక్తపోటు, మధుమేహం, ధూమపానం, ఊబకాయం వంటి ప్రమాద కారకాలు ఉంటే వెంటనే వైద్యులను సంప్రదించాలి.