పెరిగిన కోడిగుడ్డు ధరలు

తీవ్రమైన ఎండల కారణంగా అనేక లేయర్ కోళ్లు చనిపోవడంతో కోడిగుడ్ల ఉత్పత్తి గణనీయంగా తగ్గింది. గతంలో 95% ఉన్న ఉత్పత్తి ఇప్పుడు 65%కి పడిపోయింది. ఇదే సమయంలో పశ్చిమాసియాలో యుద్ధం కారణంగా దాణా ధరలు కూడా పెరిగిపోయాయి. ఈ రెండు కారణాల వల్ల కోడిగుడ్ల ధరలు భారీగా పెరిగాయి. పది రోజుల క్రితం రూ.180 ఉన్న 30 గుడ్ల ట్రే ధర ఇప్పుడు రూ.200కి చేరింది. హోల్‌సేల్‌లో ఒక్కో గుడ్డు రూ.6.60 పలుకుతుండగా, రిటైల్‌లో రూ.7 నుంచి రూ.8 వరకు అమ్ముతున్నారు.