ఒమన్ తీరంలో అమెరికా లాజిస్టిక్స్ నౌకపై ఇరాన్ దాడి

ఒమన్ తీరానికి సమీపంలో అమెరికా సైన్యానికి చెందిన ఒక భారీ లాజిస్టిక్స్ నౌకపై ఇరాన్ శనివారం దాడి చేసింది. ఇరాన్ సెంట్రల్ మిలిటరీ కమాండ్ ప్రతినిధి ఇబ్రహీం జోల్ఫాఘరి ఈ దాడిని అధికారికంగా ప్రకటించారు. అమెరికా సైన్యానికి అవసరమైన యుద్ధ సామగ్రిని, ఇంధనాన్ని సరఫరా చేసే ఈ నౌకను దెబ్బతీయడం ద్వారా అమెరికాను యుద్ధ భూమిలో అస్తవ్యస్తం చేయడమే ఇరాన్ వ్యూహంగా కనిపిస్తోంది. ఈ దాడితో అమెరికా-ఇరాన్ మధ్య ప్రత్యక్ష యుద్ధం మరింత ముదిరేలా కనిపిస్తోందని నిపుణులు అంటున్నారు.