కాలు జారి పడిపోయిన పాక్ ఉప ప్రధాని ఇషాక్ దార్.. భుజానికి గాయం

పాకిస్థాన్ ఉప ప్రధాని, విదేశాంగ మంత్రి ఇషాక్ దార్, ఆదివారం, మార్చి 29న ఇస్లామాబాద్‌లో జరిగిన ఈజిప్ట్, టర్కీ, సౌదీ అరేబియా విదేశాంగ మంత్రుల సమావేశంలో పాల్గొనేందుకు వెళ్లారు. ఈ క్రమంలో ఆయన కాలు జారి కిందపడిపోయారు. ఈ  ఘటనలో ఆయన భుజానికి హెయిర్‌లైన్ ఫ్రాక్చర్ అయినట్లు ఆయన కుమారుడు అలీ దార్ తెలిపారు. నొప్పి ఉన్నప్పటికీ, పెయిన్ కిల్లర్స్ వేసుకుని ఆయన రోజంతా కీలక దౌత్య సమావేశాల్లో పాల్గొన్నారు.