బద్వేల్ లో పెన్షన్ల పంపిణీ: సమస్యల పరిష్కారానికి అధికారులకు ఆదేశాలు

కడప జిల్లా బద్వేల్ మున్సిపాలిటీ పరిధిలోని మడకలవారిపల్లె గ్రామంలో సోమవారం, 01/12/2025 న ఎన్టీఆర్ భరోసా పెన్షన్ పంపిణీ కార్యక్రమం జరిగింది. ఈ కార్యక్రమంలో బద్వేల్ టీడీపీ ఇంచార్జ్ రితేష్ కుమార్ రెడ్డి, మున్సిపాలిటీ కమిషనర్ నరసింహారెడ్డి పాల్గొన్నారు. ఇంటింటికీ పెన్షన్లు పంపిణీ చేయడంతో పాటు, గ్రామస్తులు విద్యుత్, నీరు, పారిశుద్ధ్యం వంటి సమస్యలను అధికారుల దృష్టికి తీసుకువచ్చారు. వెంటనే సమస్యలను పరిష్కరించాలని రితేష్ కుమార్ రెడ్డి అధికారులకు ఆదేశాలు జారీ చేశారు. ఈ కార్యక్రమంలో సచివాలయం, మున్సిపాలిటీ సిబ్బంది, టీడీపీ నాయకులు, కార్యకర్తలు పెద్ద సంఖ్యలో పాల్గొన్నారు.