కృష్ణపల్లి ఉరుసులో పోలీసుల డేగకన్ను.. దొంగల వేటకు డ్రోన్లు!

జిల్లా ఎస్పీ షెల్కె నచికేత్ విశ్వనాథ్ ఆదేశాల మేరకు, దువ్వూరు మండలం కృష్ణపల్లి ఉరుసు సందర్భంగా పోలీసులు హైటెక్ నిఘా ఏర్పాటు చేశారు. దొంగతనాలు, చైన్ స్నాచింగ్‌లను అడ్డుకోవడానికి, పాత నేరస్థులను గుర్తించడానికి డ్రోన్ కెమెరాలను ఉపయోగించి విస్తృతంగా గాలిస్తున్నారు. ఎస్.ఐ ధనంజయుడు నేతృత్వంలో అసాంఘిక శక్తుల కార్యకలాపాలను అరికట్టడానికి పటిష్టమైన భద్రతా చర్యలు చేపట్టారు. ఈ చర్యల ద్వారా ఉత్సవాల సందర్భంగా భద్రతను కట్టుదిట్టం చేస్తున్నారు.