స్వచ్ఛత - పరిశుభ్రతపై గ్రామస్తులకు అవగాహన

వేముల మండలం తుమ్మలపల్లెలో శనివారం, పులివెందుల జేఎన్టీయూ విద్యార్థులు గ్రామస్థులకు స్వచ్ఛత, పరిశుభ్రతపై అవగాహన కల్పించారు. స్వచ్ఛత పక్షోత్సవాల ముగింపు సందర్భంగా నిర్వహించిన వివిధ రకాల పోటీల్లో విజేతలకు బహుమతులు అందజేశారు. అనంతరం గ్రామస్థులతో కలిసి స్వచ్ఛత ర్యాలీని చేపట్టారు. ఈ కార్యక్రమంలో యూసీఐఎల్ ఉద్యోగులు, సిబ్బంది, కళాశాల అధ్యాపకులు, గ్రామస్థులు పాల్గొన్నారు.