కోడూరులో రోడ్డు ప్రమాదం: గాల్లోకి ఎగిరిన మహిళ

ఆదివారం అర్ధరాత్రి కోడూరు మండలం రాఘవరాజుపురం పంచాయతీ పరిధిలోని జాతీయ రహదారిపై ఘోర రోడ్డు ప్రమాదం జరిగింది. బాలిరెడ్డిపల్లికి చెందిన గంగమ్మ తిరుపతి నుంచి కారులో వచ్చి దిగిన అనంతరం రోడ్డు దాటుతుండగా మరో కారు ఢీకొట్టింది. ఈ ఘటనలో ఆమె గాల్లోకి ఎగిరిపడి తీవ్రంగా గాయపడ్డారు. బాధితురాలిని తిరుపతిలోని ఆసుపత్రికి తరలించగా, ప్రస్తుతం ఆమె పరిస్థితి విషమంగా ఉందని కుటుంబ సభ్యులు తెలిపారు.