ఒంటిమిట్ట: ‘స్వచ్ఛ రథం’ ప్రారంభించిన చమర్తి

ఒంటిమిట్ట ఎంపీడీఓ కార్యాలయం వద్ద నియోజకవర్గ ఇంచార్జి చామర్తి జగన్ మోహన్ రాజు బుధవారం ‘స్వచ్ఛ రథం’ కార్యక్రమాన్ని ప్రారంభించారు. గ్రామాల పారిశుద్ధ్యంపై అవగాహన పెంచడమే దీని లక్ష్యం. ప్రజలు తమ ఇళ్లలోని ప్లాస్టిక్, పేపర్ వంటి పొడి చెత్తను ఈ రథానికి అందిస్తే, బదులుగా సబ్బులు, పప్పులు, నూనె వంటి 17 రకాల నిత్యావసర వస్తువులను తక్షణమే పొందవచ్చు. ఈ వినూత్న కార్యక్రమాన్ని సద్వినియోగం చేసుకోవాలని ఆయన కోరారు.