2 గంటల్లోనే మిస్సింగ్ కేసు ఛేదించిన కాకినాడ పోలీసులు

కాకినాడ జిల్లా ఎస్పీ జి. బిందు మాధవ్ ఆదేశాల మేరకు, టూ టౌన్ పోలీసులు కుటుంబ కలహాల కారణంగా ఇంటి నుంచి వెళ్లిపోయిన ర్యాలి విజయదుర్గ (27) అనే యువతిని కేవలం రెండు గంటల్లోనే గుర్తించి, సురక్షితంగా కుటుంబ సభ్యులకు అప్పగించారు. ఉదయం భర్త ఫిర్యాదు చేయగా, ఇన్‌స్పెక్టర్ ఎం. అప్పలనాయుడు నేతృత్వంలోని ప్రత్యేక బృందం సాంకేతిక ఆధారాలతో ఆమె ఆచూకీని కనిపెట్టింది. పోలీసుల వేగవంతమైన చర్యలపై బాధితురాలి కుటుంబ సభ్యులు కృతజ్ఞతలు తెలిపారు.