పిఠాపురం మున్సిపాలిటీలో నిధుల అవకతవకలు..నలుగురు అధికారులకు నోటీసులు

పిఠాపురం మున్సిపాలిటీ పరిధిలో 2019-20 ఆర్థిక సంవత్సరంలో 14వ ఆర్థిక సంఘం నిధుల దుర్వినియోగంపై ప్రభుత్వం కఠిన చర్యలు చేపట్టింది. 55 పనులకు మంజూరైన రూ.773 లక్షలలో, కొన్ని పనులు చేయకుండానే కాంట్రాక్టర్లకు బిల్లులు చెల్లించారని, పనుల్లో నాణ్యత లోపించిందని విచారణలో తేలింది. ఈ అవకతవకలకు బాధ్యులైన నలుగురు మున్సిపాలిటీ అధికారులకు ప్రభుత్వం నోటీసులు జారీ చేసింది. ఈ ఘటనపై ప్రభుత్వం మంగళవారం చర్యలు చేపట్టింది.