అమలాపురం ఎమ్మెల్యే అయితాబత్తుల ఆనందరావుకు తప్పిన ప్రమాదం

అమలాపురం మండలం సమనసలో సోమవారం ఏరువాక కార్యక్రమంలో పాల్గొన్న ఎమ్మెల్యే అయితాబత్తుల ఆనందరావుకు ప్రమాదం తప్పింది. సాంప్రదాయబద్ధంగా పొలం దున్నుతుండగా, జనాన్ని చూసి బెదిరిన ఎద్దులు ఒక్కసారిగా దూసుకొచ్చాయి. అప్రమత్తమైన రైతులు వెంటనే ఎద్దులను అదుపు చేయడంతో ఎమ్మెల్యే క్షేమంగా బయటపడ్డారు. ఈ సంఘటనతో అక్కడ ఉన్నవారంతా ఊపిరి పీల్చుకున్నారు.