అన్‌సీజన్‌లో పులస: పి. గన్నవరంలో రూ. 4, 000 పలికిన అరుదైన చేప

పి. గన్నవరం ప్రాంతంలో అరుదైన ఘటన చోటుచేసుకుంది. సాధారణంగా వర్షాకాలం, వరదల సమయంలో మాత్రమే లభించే ప్రసిద్ధ 'పులస' చేప, ఎండలు మండుతున్న ఏప్రిల్ నెలలో జాలర్ల వలకు చిక్కడం అందరినీ ఆశ్చర్యపరిచింది. గోదావరి నదిలో అన్‌సీజన్‌లో దొరికిన ఈ పులసను గురువారం మార్కెట్‌కు తీసుకురాగా, దానిని దక్కించుకునేందుకు భోజన ప్రియులు పోటీపడ్డారు. చివరికి వేలంలో ఈ పులస ఏకంగా రూ. 4,000 ధర పలికి స్థానికంగా చర్చనీయాంశంగా మారింది.