టీడీపీ నాయకుల ఆధ్వర్యంలో ఎన్టీఆర్ చేయూత పెన్షన్ల పంపిణీ

ఒంగోలు నగరంలోని 11వ డివిజన్‌లో ఎన్టీఆర్ చేయూత పథకం కింద టీడీపీ నాయకులు లబ్ధిదారులకు పెన్షన్లు పంపిణీ చేశారు. బూత్ ఇంచార్జ్ పాత గుంట గోపి, వైస్ ప్రెసిడెంట్ మోదుకూరి సాంబయ్య, వెల్ఫేర్ అసిస్టెంట్ ప్రభాకర్ రావు ఈ కార్యక్రమాన్ని నిర్వహించారు. పేదలు, దివ్యాంగులు, వృద్ధులు, వితంతువులకు పెన్షన్లు అందించడం సంతోషంగా ఉందని టీడీపీ నాయకులు తెలిపారు. ప్రభుత్వ సంక్షేమ పథకాలు అర్హులైన ప్రతి ఒక్కరికీ చేరేలా పార్టీ నాయకులు, సచివాలయ సిబ్బంది సమన్వయంతో పనిచేస్తున్నామని వారు పేర్కొన్నారు. ఎన్టీఆర్ చేయూత పథకం ఆర్థికంగా ఉపశమనంగా ఉందని, ఇంటి వద్దకే వచ్చి పెన్షన్లు అందించడంతో ఇబ్బందులు తగ్గాయని లబ్ధిదారులు తెలిపారు. ప్రభుత్వ సంక్షేమ పథకాల అమలు సమర్థవంతంగా జరుగుతోందని స్థానికులు అభిప్రాయపడ్డారు.